Back Ohalo Danish Ohalo II German Ohalo II English Ohalo II French Ohalo II Galician אוהלו 2 HE Ohalo II Dutch Ohalo NB Ohalo II Polish Ohalo Portuguese
Ohalo II est situs archaeologicus qui sub undas Maris Tiberiadis iacet, sed annis a 1989 ad 1991 et ab 1999 ad 2000 propter ariditatem insolitam patens erat. Ibi repertae sunt reliquia habitationis hominum qui annis fere 23 000 ante aevum nostrum vixerunt. Reliquia etiam seminum plantarumque edulium servata sunt.
Semina edulia ibi collecta et contusa sunt, praecipue Triticum dicoccoides, Hordeum spontaneum, Avena barbata, A. sterilis, saepe et Aegilops geniculata, Bromus pseudobrachystachys seu B. tigridis, Hordeum marinum sive H. hystrix, Piptatherum holciforme, P. blancheanum, Puccinellia convoluta, Lathyrus sp., Lens sp., Pisum sativum ssp. humile, Vicia palaestina. Nuces et semina fructuum silvaticarum, videlicet Quercus ithaburensis, Pistacia atlantica, Prunus dulcis, Olea europaea, Paliurus spina-christi, Rubus idaeus, Ficus carica, Vitis vinifera reperiuntur. Inter malas herbas eminebant species Galium tricornutum et Lolium temulentum, cuius origo antehac incertus erat; etiam repertae sunt quaedam hodie inter malas herbas comprehensae sed partim edules, Chenopodium album, Malva parviflora, Notobasis syriaca, Alopecurus utriculatus sive A. arundinaceus, Silybum marianum. Ad casas vel tuguria construenda Tamarix sp., Salix sp., Quercus ithaburensis, ad parietes complendas Atriplex vel Seidlitzia et Prosopis sp. adhibitae sunt. Animalia Mus musculus et Rattus rattus cum hominibus habitabant.